Proqramlaşdırma hər kəs üçün

Bu kurs ixtisasından asılı olmayaraq hər kəsə proqramlaşdırmanın əsaslarını öyrənmək istəyənlər üçün yaradılmışdır. Kursun məqsədi gələcəkdə öz işlərini, proqramlaşdırmanın köməyi ilə, daha da səmərəli etmək üçün lazım olan bilikləri öyrətməkdir. Bu bilik və bacarıqlar müasir dövrdə istənilən ixtisas sahibləri üçün əlavə üstünlük gətirəcək. Proqramlaşdırmadan yararlanaraq bir çox işləri avtomatlaşdırmaq, müxtəlif məlumatları analiz etmək və bu zəmindən olan işlər görmək mümkündür. Kursda tələbələr verilənlərin işlənməsi, dövrlər, şərtlər, sadə data struktruları və data analitikası üçün ilkin biliklərə yiyələnəcəklər. Həmçinin APİ-lar, data əsasında qrafiklərin vizuallaşdırılması kimi praktiki məsələlər də kursda öz əksini tapmışdır. Tapşırıqların yerinə yetirilməsi üçün Python dilindən istifadə olunacaq. Python dili hazırda geniş yayılmış və öyrənilməsi daha asan dil olmaqla fərqli sahələrdə istifadə edilir. Belə ki, Python dili Data analitikası, Süni intellekt, oyun proqramlaşdırması, veb xidmətlərin yaradılması, bioinformatika, iqtisadiyyat, riyazi proqramlaşdırma kimi sahələrdə geniş istifadə edilir. Tələbələr kurs boyu geniş yayılmış peşəkar alət və kitabxanalar olan PyCharm, VS Code, Jupyter Lab, Pandas, Numpy, Matplotlib və s. ilə tanış olacaq, onlardan istifadə edərək peşənizə aid praktiki işləri görməyi öyrənəcəklər. Kurs yaşından, təcrübəsindən, ixtisasından asılı olmayaraq proqramlaşdırma ilə maraqlanan hər kəs üçün nəzərdə tutulmuşdur.