Əməkdaşlıq
Sizin bilik və təcrübəniz başqaları üçün ilham mənbəyi ola bilər. Biliklərinizi paylaşaraq, insanlara maraqlarını kəşf etməyə, yeni bacarıqlar qazanmağa və karyeralarını inkişaf etdirməyə dəstək olmaq istəyirsinizmi?
ÖzünÖyrən sizi öz kurslarınızı yaratmağa və geniş auditoriyalara çatdırmağa dəvət edir. Biz bu yolda sizin yanınızdayıq! Məzmunun hazırlanmasından tutmuş, maraqlı və interaktiv tapşırıqların yaradılmasına, innovativ texnologiyaların tətbiqinə və peşəkar video çəkilişlərinə qədər hər mərhələdə sizə tam dəstək göstəririk.
Kurs hazırlamağın Sizə faydaları
Kurs hazırlamaq biliklərinizi paylaşmaqla yanaşı cəmiyyətə dəyər qataraq həm başqalarına həm də özünüzə yeni imkanlar yaradırsınız. Öz kurslarınızı yaradaraq aşağıdakı faydaları əldə edirsiniz:
- Təcrübənizi gəlirə çevirin
Siz əldə etdiyiniz bilik və təcrübə üçün illərlə zamanınızı xərcləmisiniz. Kurslarınızı platformamızda dərc edərək həmin təcrübənizi passiv gəlirə çevirə bilərsiniz. - Auditoriyanızı genişləndirin
Kursunuzu bizim platforma ilə daha geniş auditoriyaya çatdırmaq imkanına malik olursunuz. Bu həm şəbəkənizin böyüməsi, həm daha çox adam tərəfindən tanınmaq, həm öz brendinizin reklamı deməkdir. - Öyrənənlərin Dəstəyini Hiss Edin
Öyrətdiyiniz biliklər insanların karyerasını və şəxsi inkişafını dəyişdirə bilər. Bu, özünüzə və digərlərinə etdiyiniz bir sərmayədir. Tələbələrinizin sizə göndərəcəyi təşəkkür mesajları və müsbət rəylər Sizin üçün qürur və ilham mənbəyiniz olacaq.
Kurs hazırlamaq üçün
Kursunuzu hazırlamaq üçün aşağıdakı addımlar gərəkdir:
- Bizimlə Əlaqə Saxlayın
Kurs ideyanız varmı? İlk addım bizə müraciət etməkdir. Əvvəlcə Sizinlə kursun ideyası, strukturu, məzmunu və digər detallar barədə söhbət etmək istəyirik. Onlayn kurslar və pedaqogika sahəsində zəngin təcrübəmizi sizinlə paylaşmaqdan məmnun olacağıq. İdeyalar konkretləşdikdə müqavilə bağlayıb əməkdaşlığımızın növbəti mərhələsinə keçəcəyik. - Kurs planını hazırlayın
Kursun əsas məqsədlərini və mövzularını müəyyənləşdirin. Biz sizə məzmunun səmərəli şəkildə təşkil edilməsində və planın peşəkar tərtibatında dəstək olacağıq. Kursun tələbələr üçün maraqlı və interaktiv olması, daha praktik olması üçün təcrübələmizi paylaşaraq sizə yardım edəcəyik. - Materialları Hazırlayın
Videolar, slaydlar, interaktiv tapşırıqlar və digər öyrənmə materiallarını hazırlamağın vaxtıdır. Ehtiyac olarsa, komandamız bu prosesi daha asan və peşəkar etmək üçün sizinlə birgə işləyəcək. Studiyamızın peşəkar imkanlarından yararlana bilərsiniz. İnteraktiv tapşırıqlar üçün sizinlə ideyalar üzərində konsultasiya aparacaq və proqramlaşdırma dəstəyi göstərəcəyik. - Kursu dərc edin
Son addım kursunuzu platformamıza yerləşdirməkdir. Biz kursunuzu platformaya yerləşdirəcək və geniş auditoriyamız qarşısında marketinq imkanlarımızı səfərbər edəcəyik. Bundan sonra sizə kursun performansını izləmək və tələbələrinizin rəylərini oxumaq qalacaq. Bunun üçün xüsusi statistika və analitika alətlərimizdən istifadə edə biləcəksiniz.